Eraly Toǵjanov asharshylyq qurbandarynyń tizimin jasaý jumystaryna qatysty túsinik berdi
Ortalyq kommýnıkatsııalar qyzmetindegi baspasóz máslıhatynda ǵalymdar saıası qýǵyn-súrgin qurbandaryn tolyq aqtaý jumystary aıasynda asharshylyq qurbandarynyń tizimin jasaý jumystaryn qolǵa alý usynystaryn aıtyp júrgendigi týraly sóz boldy. Sondaı-aq, komıssııanyń asharshylyq qurbandarynyń tolyq tizimin jasaýǵa kirisý múmkindigi suralǵan bolatyn.
Óz kezeginde E.Toǵjanov HH ǵasyrdyń 20-30 jyldaryndaǵy Qazaqstandaǵy asharshylyq kezeńi zertteýmen tikeleı qamtylatynyn aıtty. ıAǵnı bul jumys komıssııanyń negizgi baǵyttarynyń biri.
«Degenmen tolyq tizim jasaýda kúrdeli máseleler de barshylyq. Elimizdegi azamattardy qujattandyrýdyń máselesi 35-36 jyldarda ǵana bastalǵanyn eskerýimiz kerek. Bul turǵyda derekterdi tolyqtaı qamtý ońaı emes. Atap aıtqanda, ǵalymdardyń arasynda da derekter ártúrli. Sondyqtan olardyń barlyǵyn komıssııa óz jumysy barysynda naqtylaıdy degen senimdemiz», - dedi Úkimet basshysynyń orynbasary.
Sonymen qatar E.Toǵjanov HH ǵasyrdyń sol kezeńinen kýágerlerdiń qalmaýy zertteý jumystaryn qıyndatatynyn aıtty.
«Kýágerlerdiń ózi joqtyń qasy. Sondyqtan bul turǵyda komıssııa, ǵalymdar tıisti jumystardy atqarady. Óńirlerdi aralaý kerek bolady», - dedi Premer-Mınıstrdiń orynbasary.
Budan buryn habarlanǵandaı, QR Premer-Mınıstriniń orynbasary Eraly Toǵjanov Saıası qýǵyn-súrgin qurbandaryn aqtaý komıssııanyń mindetterin atady.
Sonymen qatar, QR Bilim jáne ǵylym mınıstri Ashat Aımaǵambetov saıası qýǵyn-súrgin qurbandaryn tolyq aqtaý baǵytynda jumys isteıtin ǵalymdar bekitilgenin aıtty.
