Eraly Toǵjanov ár aıda qansha adamǵa vaktsına salynatynyn aıtty
NUR-SULTAN. QazAqparat – 2021 jyldyń sońyna deıin 4 mıllıonǵa jýyq qzaqastandyq koronavırýsqa qarsy vaktsınatsııa alady. Bul týraly Úkimet otyrysynda QR Premer-Mınıstrdiń orynbasary Eraly Toǵjanov aıtty, dep habarlaıdy QazAqparat tilshisi.
«1 aqpanǵa deıin medıtsına uıymdarynyń vaktsınatsııa kezeńine daıyndyǵyn qatań baqylaýǵa alýdy suraımyz. Onyń ishinde vaktsınatsııany boljaý deńgeıi 1-jartyjyldyqta 2 mln-ǵa deıin adamdy josparlaımyz. Ekinshi jartyjyldyqta 3-ten 4 mln adamǵa deıin josparǵa engizip otyrmyz. Onyń ishinde aqpan aıynda - 100 myń, naýryzda - 150 myń, sáýirde - 600 myń, mamyrda - 600 myń, tamyzda - 600 myń adam. Sonymen qatar jyldyń sońyna, tamyzdan jeltoqsanǵa deıin 600 myń adam vaktsınatsııa alatyndyǵy kútiledi», - dedi ol.
Úkimet basshysynyń orynbasary bul derekter jumys barysynda naqtylana túsetindigin eskertip ótti.
«Sondyqtan muny birge qarastyramyz. Jalpy, oblystardyń, Nur-Sultan, Almaty, Shymkent qalalarynyń ákimderinen koronavırýs ınfektsııasynyń taralýyna jol bermeý jónindegi óńirlik shtab jumysyn kúsheıtý suralady. Onyń ishinde «qyzyl» aımaqtaǵy óńirlerde epıdemıologııalyq jaǵdaı shtab otyrystarynda kún saıyn qaralýy tıis», - dedi Eraly Toǵjanov.
