Eraly Toǵjanov Almatydaǵy týrıstik nysandarǵa bardy
«Kazakh Tourism «UK» AQ baspasóz qyzmetiniń habarlaýynsha, jumys sapary barysynda «Tenir» shańǵy jáne snoýbord mektebiniń, sondaı-aq «SNEG» eko-qonaqúıler jelisiniń tusaýkeseri boldy.
Delegatsııa aldymen taýly kýrorttyń eń tómen jáne eń bıik núktelerinde ornalasqan eki jańa týrıstik ortalyqta boldy. Vızıt-ortalyqtarynda qajetti qural-jabdyqtardy jalǵa alýǵa, kádesyılar men oıyn-saýyq attraktsıondaryna, belsendi is-sharalarǵa bıletter satyp alýǵa jáne taý nusqaýshylarynyń qyzmetterin paıdalanýǵa bolady.
«Vızıt ortalyqtaryna kelýshiler alǵashqy mınýttan bastap ózderine ǵana emes, qorshaǵan ortaǵa da qamqorlyq jasaý kerektigin túsinedi. Dál osy tujyrymdamany basshylyqqa ala otyryp, biz Shymbulaq taýly kýrortynda da osyǵan uqsas tásil qoldanýdy usyndyq», - deıdi «Kazakh Tourism» UK basqarma tóraǵasynyń orynbasary Qaırat Sadýaqasov.
Ári qaraı, delegatsııa kýrorttyń 3200 m bıiktikte ornalasqan eń bıik núktesinde, Іle Alataýynyń taýlarymen qorshalǵan jáne álemdegi jetinshi bıiktikte ornalasqan «Teńirdi» aralady. Keshenniń ózi halyqaralyq standarttarǵa sáıkes keletin jáne 30 tósekke arnalǵan 10 ekoúıden turady.
Sonymen qatar, Eraly Toǵjanov sapar barysynda shańǵy jáne snoýbord mektebiniń balalarymen jáne nusqaýshylarymen áńgimelesti. Ótken jyly taý kýrorty kesheninde qalalyq ákimdiktiń qoldaýymen 1200-den astam bala aqysyz jattyqqan. Sondaı-aq, jyl saıyn belsendi demalys túrlerine, atap aıtqanda uzaq otbasylyq demalystarǵa qyzyǵýshylyq artyp kele jatqandyǵyn atap ótken jón.
