Eraly Toǵjanov Almatyda zııaly qaýym ókilderimen kezdesti
Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııasynyń Telegram kanalyna silteme jasap habarlaıdy.
Kezdesýge shyǵarmashylyq jáne akademııalyq salanyń, Qoǵamdyq keńestiń, Qazaqstan halqy jáne Jastar assambleıasynyń ókilderi, sondaı-aq Aqparat jáne qoǵamdyq damý mınıstri Aıda Balaeva, Mádenıet jáne sport mınıstri Aqtoty Raıymqulova, Almaty qalasy ákiminiń orynbasary Erjan Babaqumarov, Bilim jáne ǵylym birinshi vıtse-mınıstri Sholpan Karınova qatysty.
Memleket basshysy Qasym-Jomart Toqaevtyń «Ulttyq jobalar tizbesin bekitý týraly» Jarlyǵymen bekitilgen ulttyq qundylyqtar men dástúrlerdi, mádenı deńgeıdi arttyrý jáne zamanaýı qoǵamdy rýhanı jetildirý, QR Tuńǵysh Prezıdenti-Elbasy Nursultan Nazarbaevtyń baǵdarlamalyq maqalasynda kórinis tapqan «Rýhanı jańǵyrý» qundylyqtaryn jáne «Ulttyq rýhanı jańǵyrý» ulttyq jobasyn ilgeriletý máselelerine nazar aýdaryldy.
Búginde elimizde 10 naqty ulttyq joba belgilengen, onyń ishinde «Ulttyq rýhanı jańǵyrý» jobasy da bar. Jobanyń maqsaty – ulttyq-mádenı biregeılikti saqtaý jáne mádenı ónimderdi yntalandyrý, olardyń sapasy men alýan túrliligin arttyrý arqyly árbir qazaqstandyqtyń kórkemdik-shyǵarmashylyq áleýetin iske asyrý, jas urpaqtyń boıynda rýhanı adamgershilik qundylyqtardy qalyptastyrý, sondaı-aq memlekettik tildiń qoldanylý aıasyn keńeıtý, otandyq mádenı ónimderdi ilgeriletý, onyń ishinde biryńǵaı elektrondyq platforma qurý arqyly «e-culture.kz» ulttyq jobalardy iske asyrý ekonomıkanyń ornyqtylyǵy men básekege qabilettiligin odan ári arttyrýdyń, qazaqstandyqtardyń ómir súrý sapasyn jaqsartýdyń faktoryna aınalady.
Almatyda «Rýhanı jańǵyrý» baǵdarlamasy aıasynda aǵymdaǵy jyldyń 9 aıynda 347 joba júzege asyryldy. «Uly dalanyń jeti qyry» maqalasy aıasynda 80-nen astam is-shara júzege asyryldy, olardyń kópshiligi dalanyń uly tarıhı qaıratkerleriniń ómirin, murasyn nasıhattaý boıynsha ótti. Kitaphanalar bazasynda «Uly dalanyń uly esimderi» arnaıy jobasyn qamtıtyn 105 damytý úıirmesi jumys isteıdi. «Jańa gýmanıtarlyq bilim. Qazaq tilindegi 100 jańa oqýlyq». Jańa arnaıy jobalardy iske asyrý bastaldy: pragmatızmdi, utymdy daǵdylardy tárbıeleýge, mádenı murany zerdeleýge jáne t.b. baǵyttalǵan 67 is-shara ótkizildi, sonymen qatar, qalanyń barlyq kolledjderi men kóptegen mektepterinde «Rýhanı jańǵyrý» baǵdarlamasy aıasynda jeke tulǵany damytýǵa baǵyttalǵan is-sharalardy ótkizýge jaýapty tulǵalar anyqtaldy (patrıotızmdi tárbıeleý, shyǵarmashylyq áleýetti arttyrý jáne t. b.).
Kezdesýge qatysýshylar óz sózderinde mádenı ınfraqurylymdy odan ári damytý, ulttyq qundylyqtardy medıa ónimder men kınonyń túrli formattarynda ilgeriletý, memlekettik tilde bilim berý kontentin arttyrý jáne t. b. máseleler boıynsha birqatar usynystar aıtty.
Talqylaýǵa QR Jazýshylar odaǵynyń tóraǵasy Ulyqbek Esdáýlet, QR Kınematografıster odaǵynyń basqarma tóraǵasy Ermek Tursynov, «Qazaqstandyq avtorlyq qoǵam» RQB tóraǵasy, QR Kompozıtorlar odaǵynyń qurmetti tóraıymy Balnur Qadyrbek, M. Áýezov atyndaǵy Qazaq memlekettik akademııalyq drama teatrynyń dırektory Erkin Jýasbek, Sh. Ýálıhanov atyndaǵy Tarıh jáne etnologııa ınstıtýtynyń dırektory Zııabek Qabyldınov, Jazýshylar odaǵynyń múshesi Smaǵul Elýbaev, M. Lermontov atyndaǵy Ulttyq akademııalyq orys drama teatrynyń dırektory ıÝrıı ıAkýshev, Abaı atyndaǵy Qazaq ulttyq pedagogıkalyq ýnıversıtetiniń eks-rektory Takır Balyqbaev, lıngvıst Anar Fazyljan qatysty. Óz kezeginde, memlekettik organdar ókilderi «Ulttyq rýhanı jańǵyrý» ulttyq jobasy aıasyndaǵy jumystyń negizgi baǵyttaryn túsindirip, kóterilgen máselelerge túsinikteme berdi.
Kezdesý sońynda Eraly Toǵjanov ǵylymı-shyǵarmashylyq zııaly qaýym ókilderine mádenı quramdas bólikti damytýǵa, eldiń shyǵarmashylyq áleýetin arttyrýǵa qosqan úlesi úshin alǵys bildirip, memlekettik organdarǵa ulttyq jobalardy, onyń ishinde kezdesý barysynda aıtylǵan usynystardy eskere otyryp, sapaly iske asyrý úshin ózara is-qımyldy kúsheıtý jóninde birqatar tapsyrmalar berdi.
