Eraly Toǵjanov: Aqtóbege búkil komandamdy alyp barady dep alańdaýdyń qajeti joq

NUR-SULTAN. QazAqparat – Aqtóbe oblysynyń ákimi bolyp taǵaıyndalǵan Eraly Toǵjanov jańa qyzmetin Prezıdenttiń artqan úlken senimi dep baǵalaıtynyn málim etti, dep habarlaıdy QazAqparat tilshisi.

«Aqtóbege barǵan soń komandany ózgertesiz be? Ondaǵylar alańdap jatyr», - dep surady BAQ ókili jańa taǵaıyndalǵan ákimnen.

Eraly Toǵjanov Úkimet quramyndaǵy tájirıbesin eske salyp, olaı alańdaýǵa negiz joq degen oı aıtty.

«Ol másele boıynsha alańdaýdyń qajeti joq. Úkimetke aýysqanda jalǵyz ózim keldim dep aıtýǵa bolatyn shyǵar. Ózimmen birge eshkimdi ertip ákelgen joq edim. Bári Memleket basshysynyń búgin aldymyzǵa qoıǵan mańyzdy mindetterine jáne sondaǵy ózekti máselelerdi sheshý jolyndaǵy mamandardyń jaýapkershilik deńgeıine baılanysty», - dedi Aqtóbe oblysynyń ákimi.

Sondaı-aq, ol óńirdegi eń ózekti problema joldar men halyqtyń tabysyn arttyrý ekenin atap ótti.

«Aqtóbe oblysynyń áleýeti óte zor. Aýmaǵy boıynsha da, halqynyń sany boıynsha da eń úlken oblystardyń biri. Sondyqtan úlken senim bildirdi. Sol senim men halyqtyń qoldaýyn aqtaý kerek», - dedi Eraly Toǵjanov.

Aıta keteıik, Prezıdent Qasym-Jomart Toqaev Qazaqstan halqyna Joldaýynda 2028 jylǵa deıin áıelder 61 jastan zeınetke shyǵatynyn málim etti.

Eske salsaq, keshe Eraly Toǵjanov Aqtóbe oblysynyń ákimi bolyp taǵaıyndalǵan edi.