Eraly Toǵjanov «Aq jol» fraktsııasynyń depýtattarymen kezdesti

NUR-SULTAN. QazAqparat - Parlament Májilisiniń plenarlyq otyrysy qarsańynda QR Úkimetinde QR Premer-Mınıstriniń orynbasary Eraly Toǵjanov «Aq jol» fraktsııasynyń depýtattarymen kezdesti. Atalǵan sharaǵa ortalyq memlekettik organdardyń ókilderi qatysty.

Bul týraly QazAqparat Úkimettiń resmı saıtyna silteme jasap.

Kezdesýge qatysýshylar halyqtyń ózekti máselelerin jedel sheshýdi kózdeıtin Úkimet pen depýtattyq korpýs arasyndaǵy ózara is-qımyldyń jańa neǵurlym tıimdi formatyn talqylady. Sondaı-aq memlekettik organdar depýtattardyń óńirlerge sapary barysynda halyq kóteretin barlyq máselelerdi egjeı-tegjeıli zerttegeni belgili boldy.

Vıtse-premer óz sózinde turaqty dıalogty jolǵa qoıý men kommýnıkatsııanyń zamanaýı quraldaryn paıdalaný qajettigin atap ótti, sondaı-aq memlekettik organdardyń basshylaryna turaqty keri baılanysqa den qoıýdyń barynsha pármendi nysandaryn qoldanýdy jáne depýtattyq korpýspen jumys máselelerin erekshe baqylaýǵa alýdy, kúndelikti negizde Parlamentpen baılanys ornatýdy, árbir memlekettik organda Parlamentpen jumys jasaýǵa basshy orynbasarynan tómen emes deńgeıde jaýapty tulǵany belgileýdi tapsyrdy.