Eraly Toǵjanov: Adamdar jumysqa turatyn kezde eńbek shartyn oqymaıdy
NUR-SULTAN. QazAqparat - QR Kásiptikodaqtar federatsııasynyń tóraǵasy Eraly Toǵjanov kásipodaq uıymdaryna qandaı suraqtar kóp qoıylatyndyǵy týraly aıtty, dep habarlaıdy QazAqparat tilshisi.
«Bizge kóbinese jalaqy týraly suraqtar qoıylady. Bıyl kásipodaqtar uıymdaryna jalaqyǵa qatysty 7 myńnan astam azamattan suraq kelip tústi. Onyń 2300-ge jýyǵy naqty sheshimderin tapty», - dedi Eraly Toǵjanov Ortalyq kommýnıkatsııalar qyzmetinde ótken brıfıngte.
Sondaı-aq, ol eńbek qaýipsizdigine baılanysty suraqtarmen turǵyndar ótinish jasaıdy.
«Jumysshylardy qorǵaýǵa qatysty suraq kóp qoıylady. Jalpy kópshilik adam jumysqa turatyn kezde jumys berýshi arasyndaǵy eńbek týraly kelisimdi oqymaı, qol qoıyp, keıin jumystan shyǵatyn kezde qaraı bastaıdy. Bul baǵytta eki tarap ta saýatty bolýy kerek», - deıdi ol.
Tóraǵa budan basqa turǵyn úımen qamtamasyz etý, balabaqshaǵa ornalasý, alıment tóleý múgedekter arbasymen qamtamasyz etýge baılanysty suraqtar qoıylatynyn, ol suraqtardy tıisti mınıstrlikke jiberip jaýap beretinderin aıtty.
