Eraly Toǵjanov 2020 jyldaǵy ustazdar men dárigerlerdiń eren eńbegin aıtty
«Ótken jyl ońaı bolmady. Qoǵamnyń sana-seziminde byltyr úlken ózgerister boldy desem artyq emes dep oılaımyn. Ustazdarymyzdyń orny erekshe ekenin búkil el qaıtadan qarap, túsindi. Qıyn kezeńderde bizdiń ustazdarymyzdyń naqty jasaǵan eren eńbegin barsha halyq biledi», - dedi E. Toǵjanov QR Aqparat jáne qoǵamdyq damý mınıstrliginiń keńeıtilgen alqa májilisinde.
Sonymen qatar ol dárigerlerdiń mańyzdy qyzmetine erekshe toqtalyp ótti. Qıyn kezeńde kóptegen azamattardyń tikeleı atsalysqanynyń arqasynda aýqymdy ister atqaryldy.
«Prezıdent Qasym-Josmart Kemelulynyń tikeleı tapsyrmalary arqasynda, sondaı-aq qabyldanǵan sheshimderge oraı jalpy jaǵdaıdy baqylaýda ustaýǵa tolyqtaı múmkin boldy. Ásirese, byltyr jaz aılarynda biraz qıyndyqty birge ótkerdik. Atap aıtqanda tutas el bolyp sheshim qabyldaǵan qadamdardy júzege asyrǵan jerde ǵana naqty nátıje bolady. Qudaıǵa shúkir, jaǵdaı qalypty ári turaqty qadaǵalaý deńgeıinde dep aıtsam, artyq emes. Ony ózderińiz de kórip otyrsyzdar. Dúnıejúzinde jaǵdaı qalaı bolyp jatqanyn bilesizder», - dedi Eraly Toǵjanov.
