Eraly Toǵjanov 10 sotyq jer telimin berýge qatysty pikir bildirdi

NUR-SULTAN. QazAqparat – Jer reformasy jónindegi komıssııanyń birinshi otyrysynda 10 soty jer telimin berý máselesi kóterildi, dep habarlaıdy QazAqparat tilshisi.

«10 soty jer telimi boıynsha Kodekste jazylǵan. Unaı ma, unamaı ma - berý kerek, ol - Kodeks normasy. Sondyqtan bul máselede barlyǵyn retke keltirgen jón», - dedi Eýropalyq quqyq jáne adam quqyǵy sarapshylyq ınstıtýtynyń dırektory, saıasatker Marat Bashımov.

Óz kezeginde QR Premer-Mınıstriniń orynbasary Eraly Toǵjanov kóterilgen másele jan-jaqty qaralatynyn aıtty. Onyń sózinshe, 10 soty jer telimin bólýge qatysty eń aldymen tıisti jumystar atqarylýy kerek. ıAǵnı jer telimi beriletin bolsa, ınfraqurylymnyń salynýyna erekshe nazar aýdarylýy tıis.

«Infraqurylymnyń ózin júrgizý úshin orta eseppen 4 trln-nan artyq qarajat kerek bolady. Sondyqtan osynyń barlyǵyn esepteýimiz kerek. Bul baǵyttaǵy jumystar bir kúnde sheshiletin másele emes», - dedi E. Toǵjanov.

Aıta keteıik, búgin Jer reformasy jónindegi komıssııanyń birinshi otyrysy ótti.

Komıssııa ár senbi saıyn otyrys ótkizedi.