Er jigit qarııany pyshaqtap óltirgen - OQO
ShYMKENT. Qazaqparat - Ońtústik Qazaqstan oblysynda er jigit qarııany pyshaqtap óltirdi. Qandy oqıǵa Saıram aýdanynda bolǵan, dep habarlaıdy «QazAqparat» HAA tilshisi.
Janar-jaǵar maı beketinde jumys isteıtin 67 jastaǵy aqsaqaldy kúdikti aqsha úshin óltirgen. Sol kúni operatordyń jalǵyz qalǵanyn bilgen jigit beketke basyp kirip, jábirlenýshini uryp-soqqan. Denesiniń birneshe jerine pyshaq suqqan. Keıinen kassadaǵy bar aqshany alyp, oqıǵa ornynan izin jasyrǵan.
«Osy oqıǵa boıynsha izdeý sharasy júrgizilip, nátıjesinde Saıram aýdanynyń 18 jastaǵy turǵyny ustaldy»,-dep habarlaıdy ishki ister departamentiniń resmı ókili Saltanat Qarakózova.
Qolǵa túsken azamat esh jerde oqymaıdy jáne jumys istemeıdi. Ol kinásin tolyq moıyndaǵan. Qazir, kúdiktige qatysty «Kisi óltirý» babymen qylmystyq is qozǵalǵan.
Sotqa deıingi tergeý amaldary júrip jatyr.
Almas Sultan
