Er-jigittiń jeti qazynasy: Memlekettik kúzet qyzmeti merekege oraı beınerolık jarııalady
ASTANA. KAZINFORM — Qazaqstan Respýblıkasy Memlekettik kúzet qyzmeti Respýblıka kúni qarsańynda áleýmettik jelilerdegi paraqshalarynda jigittiń jeti qazynasyna arnalǵan beınerolıkter serııasyn jarııalady.
Er-azamat qashanda otbasynyń ıesi, qamqory bolǵan, ol sonymen qatar Otanyn qorǵaýǵa da ázir turady. Oǵan bul jolda jeti baılyǵy, qasıetti qundylyqtary senimdi serik boldy.
Búginde qazaq batyrlarynyń jolyn Otan qorǵaýshylar jalǵady, olar arsenalyndaǵy zamanaýı jaýyngerlik tehnıka men qarý-jaraǵy, bilimi men qabiletterine súıenedi.
Olar batyrlar murasyn qasterlep, ulttyq qundylyqtarǵa adaldyq tanytady.
Batyr babalarymyzdyń dańqty jolymen olar Otanymyzdyń egemendigin qyraǵy qorǵaıdy.
Eske sala keteıik, Memlekettik kúzet qyzmeti Qazaqstan Respýblıkasy Prezıdentiniń 2014 jylǵy 21 sáýirdegi jarlyǵy boıynsha Prezıdenttiń kúzet qyzmeti men Ulttyq ulannyń qosylýy nátıjesinde quryldy. Qazaqstan táýelsizdik alǵannan beri bul memlekettik organ qalyptasyp, nyǵaıa tústi.
Qazaqstan Respýblıkasynyń Memlekettik kúzet qyzmeti – Qazaqstan Respýblıkasynyń Ulttyq qaýipsizdigin qamtamasyz etý jónindegi kúshterge jatatyn, Qazaqstan Respýblıkasynyń Prezıdentine tikeleı baǵynatyn jáne esep beretin, Qazaqstan Respýblıkasynyń kúzet qyzmetiniń fýnktsııalaryn júzege asyratyn arnaýly memlekettik organ. Qazaqstan Respýblıkasynyń Prezıdenti men Qazaqstan Respýblıkasynyń Respýblıkalyq ulany jáne zańda belgilengen quzyreti sheginde Qazaqstan Respýblıkasy Prezıdentiniń, basqa da kúzetiletin adamdardyń, obektilerdiń qaýipsizdigin qamtamasyz etý jónindegi kúzet sharalaryn júzege asyrady.
Qazaqstan Respýblıkasynyń Memlekettik kúzet qyzmeti memlekettik mańyzy bar tulǵalar men nysandardyń qaýipsizdigin qamtamasyz etedi.
QR MQK negizgi mindetteri:
- Qazaqstan Respýblıkasy Prezıdentiniń, sondaı-aq onyń otbasy músheleriniń qaýipsizdigi men qaýipsizdigin qamtamasyz etý;
- Qazaqstan Respýblıkasynyń Prezıdenti bekitetin laýazymdy adamdardyń qaýipsizdigin qamtamasyz etý;
- kúzetiletin nysandardaǵy jáne kúzetiletin tulǵalar keletin turatyn jerlerdegi múlikti qorǵaý, qaýipsizdik pen qoǵamdyq tártipti qamtamasyz etý;
- obektilerdi jáne qorǵalatyn tulǵalardy tónetin qaýipterdi anyqtap, beıtaraptandyrý;
- terrorızmge qarsy is-qımyl;
- Qazaqstan Respýblıkasynyń memlekettik rámizderin qorǵaý.
