Er Jánibektiń 300 jyldyq mereıtoıyna arnalǵan aıtystyń bas júldesine KІA avtokóligi tigildi
ASTANA. QazAqparat - Astanadaǵy «Beıbitshilik jáne kelisim» saraıynda Er Jánibek Berdáýletulynyń 300 jyldyq mereıtoıyna arnalǵan «El qorǵaǵan Er Jánibek» atty halyqaralyq aıtys bastaldy.
Aıtysty «Nur Otan» partııasynyń qoldaýymen «Er Jánibek» halyqaralyq qoǵamdyq qory jáne Aıtys aqyndary men jyrshy-termeshilerdiń halyqaralyq odaǵy birlesip uıymdastyryp otyr. Bas júldege KІA avtokóligi tigildi.
Aıtysqa Qazaqstan, Qytaı, Monǵolııa elderiniń aıtyskerleri qatysady dep kútilýde. Atap aıtqanda, Qytaıdan Qanatbek Záıtollauly, Anargúl Bádelhan, Mońǵolııadan Sátjan Tilashqan sekildi qandastarymyz qatyssa, Maqsat Aqanov, Aıbek Qalıev, Qarlyǵash Áýbákirova, Erkebulan Qaınazar, Ásem Erejeqyzy, Baýyrjan Halıolla, Iranǵaıyp Kúzembaev, Erjeńis Ábdi, Rınat Zaıytov, Jaqsylyq Orynbasar, Meıirbek Sultanhan syndy aqyndar Qazaq eliniń atynan sóz saıystyrady.
