Er-Rııadtyń marqum bolǵan gýbernatory óziniń organdaryn aýrý adamdarǵa berýge ósıet etti
ASTANA. 14 aqpan. QazAqparat - Seısenbi kúni kóz jumǵan saýdtyq astananyń hanzadasy Sattam ben Abdel Azız Ál-Saýd óziniń ishki organdaryn muqtaj aýrý adamdarǵa berýge ósıet etti, dep habarlady Rostbalt.
Ál-Arabııa telearnasynyń habarlaýynsha, saýd hanzadasy mundaı ósıetti qaıtys bolarynan birneshe jyl buryn - Er-Rııadta transplantologııa problemalaryna arnalǵan halyqaralyq forým ótkizý kezinde jasaǵan.
Hanzada Sattam - Saýd Arabııasynyń negizin qalaǵan korol Abdel Azız Ál-Saýdtyń uly jáne qazirgi bıleýshi monarh Abdallanyń baýyry - beısenbi kúni 73 jasqa qaraǵan shaǵynda dúnıeden ótti. Bul sońǵy eki jyldyń ishinde koroldiktiń negizin qalaýshynyń qaıtys bolǵan úshinshi uly. 2011 jáne 2012 jyldary Saýd Arabııasy eki murager hanzadamen - Sultan ben Abdel Azız ál-Saýd pen Naıf ben Abdel Azız ál-Saýdty aqtyq saparǵa shyǵaryp salǵan bolatyn.
