Er-Rııadtaǵy kelissózderge qatysýshylar úziliske shyqty – BAQ

ASTANA. KAZINFORM – Er-Rııadta tańerteńnen beri keńes ótkizip jatqan Reseı men AQSh delegatsııalary úziliske shyqty, dep habarlaıdy reseılik BAQ.

Reseı delegatsııasynyń múshesi, Reseı SІM-niń burynǵy orynbasary, senator Grıgorıı Karasınniń aıtýynsha, AQSh ókilderimen kelissózder «shyǵarmashylyq sıpatta» ótip, «ózekti máseleler boıynsha qyzyqty pikirtalas» órbigen.

Onyń sózinshe, Máskeý men Vashıngton «baılanysty saqtap, bir-biriniń ustanymdaryn túsinip jatyr».

Buǵan deıin Er-Rııadta Reseı men AQSh delegatsııalary arasynda konsýltatsııa bastalǵany habarlanǵan bolatyn.

Sondaı-aq, 23 naýryzda Er-Rııadta AQSh pen Ýkraına delegatsııalary kelissóz júrgizgeni belgili.