Er-Rııadtaǵy AQSh - Reseı kelissózi aıaqtaldy

ASTANA. KAZINFORM - Reseı delegatsııasynyń múshesi, Federatsııa Keńesi halyqaralyq ister jónindegi komıtetiniń basshysy Grıgorıı Karasın reseılik-amerıkalyq kelissóz aıaqtalǵanyn málimdedi, dep habarlaıdy DW.

Dpa agenttiginiń habarlaýynsha, Saýd Arabııasynyń astanasyndaǵy amerıkalyq jáne reseılik delegatsııalardyń kezdesýi jabyq esik jaǵdaıynda ótip, 10 saǵattan astam ýaqytqa sozylǵan. Taraptardyń qandaı da bir kelisimderge qol qoıǵany týraly aıtylmady.

TASS agenttiginiń habarlaýynsha, Reseı syrtqy ister mınıstri Sergeı Lavrov 25 naýryzda telearnaǵa bergen suhbatynda Er-Rııadtaǵy kelissózderdiń aspektileri týraly aıtady, dep habarlady Marııa Zaharova.

Buǵan deıin jazǵanymyzdaı, Amerıka úkimetiniń otyrysynda Tramp Saýd Arabııasynda ótip jatqan kelissóz barysy týraly aıtty. Onda AQSh delegatsııasy Ýkraına jáne Reseı ókilderimen bólek kezdesip jatyr.