Er-Rııadta Ýkraına men AQSh kelissózderiniń jańa raýndy aıaqtaldy

ASTANA. KAZINFORM – Seısenbi kúni Saýd Arabııasynyń astanasy Er-Rııadta Ýkraına men AQSh delegatsııalary arasyndaǵy kelissózderdiń jańa raýndy aıaqtaldy, dep habarlady Al Arabiya arnasy.

Kelissózder dúısenbi kúni Er-Rııadta ótken jáne 12 saǵattan astam ýaqytqa sozylǵan Reseı men AQSh delegatsııalarynyń kezdesýinen keıin ótti, dep jazady Sınhýa.

AQSh-Reseı jáne AQSh-Ýkraına kelissózderinde tehnıkalyq máseleler, sonyń ishinde energetıkalyq nysandar men mańyzdy ınfraqurylymdardy qorǵaý, bólingen ýkraındyq balalardyń taǵdyry jáne jartylaı atysty toqtatý týraly máseleler qarastyryldy.

Bloomberg seısenbide habarlaǵandaı, AQSh delegatsııasy reseılik jáne ýkraınalyq taraptarmen sáıkesinshe Qara teńizde 30 kúndik atysty toqtatý jáne energetıkalyq ınfraqurylymǵa soqqy berý máselesin talqylady.

Buǵan deıin Er-Rııadta AQSh pen Reseı kelissóz júrgizgeni týraly jazǵan edik.

Amerıka úkimetiniń otyrysynda Tramp Saýd Arabııasynda ótip jatqan kelissóz barysy týraly aıtty.