Er-Rııadta Reseı Federatsııasy men AQSh delegatsııalary kelissózi bastaldy

ASTANA. KAZINFORM – Er-Rııadta Reseı men AQSh delegatsııalary arasynda Ýkraına janjalyn retteý boıynsha kelissóz bastaldy, dep habarlaıdy TASS aqparat agenttigi.

Atalǵan agenttiktiń habarlaýynsha, Saýd Arabııasynyń memlekettik qaýipsizdik qyzmetiniń qyzmetkerleri tilshilerden qonaqúı aýmaǵynan shyǵýyn suraǵan.

Eske sala ketsek, Reseı men AQSh arasyndaǵy Er-Rııadtaǵy kelissózge kimder qatysatynyn jazǵan bolatynbyz. 

Onda Reseı delegatsııasyn Federatsııa Keńesiniń halyqaralyq ister jónindegi komıtetiniń tóraǵasy Grıgorıı Karasın men Federaldyq qaýipsizdik qyzmeti dırektorynyń keńesshisi Sergeı Beseda basqaratyny habarlandy. Al AQSh delegatsııasynyń quramynda Memlekettik departamenttiń saıası josparlaý jónindegi dırektory Maıkl Enton, sondaı-aq Ýkraına boıynsha arnaıy elshi Kıt Kellog pen Ulttyq qaýipsizdik jónindegi keńesshi Maık Ýoltstyń kómekshileri bolady dep kútilip otyr.

Sondaı-aq buǵan deıin Er-Rııadta AQSh pen Ýkraına delegatsııalarynyń kelissózi aıaqtalǵanyn habarlaǵan edik.