Er-Rııadta polıtsııa men sheteldik jumysshylar arasynda qaqtyǵys oryn aldy
ASTANA. 10 qarasha. QazAqparat - Saýd Arabııasynda polıtsııa men sheteldik jumysshylar arasynda qaqtyǵys bolyp ótti. Polıtseıler birneshe myń sheteldikti ustaǵan. Oǵan jaýap retinde jumysshylar polıtseılerdi taspen atqylaǵan. Tártip saqshylary aýaǵa oq atyp, jınalǵandardy kúshtep taratty.
Esterińizge sala keteıik, 4-shi qarashadan bastap, elde qatań tártip kúshine endi. Zańsyz jumys kúshin paıdalanǵan jumys berýshilerge, páterlerin jalǵa tapsyrýshylarǵa 100 myń rıal (26,6 myń doll.) kóleminde aıyppul salynady. Olardy tipti eki jylǵa deıin bas bostandyǵynan aıyrýy da múmkin.
Bıliktiń talaby óz nátıjesin berip, 900 myńǵa jýyq adam vızalaryn tártipke keltirdi. 2400 sheteldik óz erikterimen elden ketken. Bul týraly RBK habarlady.
