Er-Rııadta AQSh pen Ýkraına delegatsııalarynyń kelissózi aıaqtaldy

ASTANA. KAZINFORM - Kelissóz eki saǵatqa jýyq ýaqytqa sozyldy, dep habarlaıdy TASS agenttigi.

Er-Rııadta AQSh pen Ýkraına ókilderiniń kezdesýi aıaqtaldy. Qorǵanys mınıstri Rýstam Ýmerov bastaǵan Ýkraına delegatsııasy kelissóz zalynan shyǵyp ketti.

Kelissóz shamamen eki saǵatqa sozyldy. Ýmerovten bólek, jıynǵa prezıdent keńsesi basshysynyń orynbasary Pavel Palısa qatysty. Amerıkalyq delegatsııa quramynda Memlekettik departamenttiń saıasatty josparlaý jónindegi dırektory Maıkl Anton, sondaı-aq Ýkraına boıynsha arnaıy ókil kómekshileri Kıt Kellog pen Ulttyq qaýipsizdik jónindegi keńesshi Maıka Ýoltts boldy.

Kazinform úshin arnaıy TASS seriktes agenttigi usynǵan.

Aıta keteıik, Reseı men AQSh kelissózi 24 naýryzda Er-Rııadta ótedi.

Buǵan deıin Ýkraınanyń Qorǵanys mınıstri Rústem Ýmerov H áleýmettik jelisinde Saýd Arabııasynda AQSh-tyń delegatsııasymen kelissózder bastalǵanyn málim etti.