Er-Rııadta №132-shi saılaý ýchaskesi jumys isteýde - Qazaqstannyń Saýdııadaǵy elshiligi
ASTANA. 3 sáýir. QazAqparat - Búgin Er-Rııadta jergilikti ýaqyt boıynsha saǵat 7.00-de №132-shi saılaý ýchaskesi ashyldy.
Qazaqstannyń Saýd Arabııasy Koroldigindegi elshiginiń janynan ashylǵan bul ýchaskege Saýd Arabııasy, Kýveıt, Bahreın jáne Katarda turatyn qazaqstandyq azamattar kelip, ózderiniń saıası erikterin júzege asyra alady.
Sondaı-aq kóshpeli daýys berý protsedýralary júrgizilip jatqan Jıdda men Medınadan jetkiziletin bıýlleten jáshikteri de Qazaqstan zańnamasymen belgilengen ýaqytta ashylatyn bolady.
Ýchaskelik saılaý komıssııasynyń tóraǵasy, Qazaqstan Elshiliginiń keńesshisi Serik Jumabekovtyń atap kórsetýinshe, Er-Rııadta daýystar sanalyp bitkennen keıin, onyń qorytyndy qujattary arnaıy poshtamen Astanaǵa jóneltiledi.
