Er-Rııad áýejaıy hýsıtter shabýylynan keıin jumysyn qaıta bastady
ASTANA. KAZINFORM — Saýd Arabııasynyń Er-Rııad qalasyndaǵy Korol Halıd halyqaralyq áýejaıy ushýlar toqtatylǵannan keıin eki aptadan soń jumysyn ishinara jandandyrdy, dep habarlaıdy Anadoly.
Buǵan deıin áýe qatynasy Iemendegi hýsıtterdiń shabýylynan keıin toqtatylǵan edi.
Aqparatqa sáıkes, № 1 termınal ishki reısterdi qaıta qabyldaı bastady. Al № 2 termınal Saýd Arabııasynyń áýe kompanııalarynyń halyqaralyq reısterine qyzmet kórsetip jatyr.
Áýejaıdyń jumysy ázirge tolyq qalpyna kelgen joq.
Sınhýa agenttiginiń málimetinshe, qazir hýsıtter men Saýd Arabııasy bastaǵan koalıtsııa shabýyldy jalǵastyryp jatyr.
Buǵan deıin Er-Rııad áýejaıyna shabýyl jasalyp, saldarynan 12 adam qaza taýyp, 300-den astam adam jaralanǵanyn habarlaǵan bolatynbyz.
Aıta keteıik, halyqaralyq áýejaıǵa jasalǵan shabýyldardan keıin birneshe arab eliniń áýe kompanııalary bul memleketke qatynaıtyn reısterin ýaqytsha toqtatty. Áýejaı da ushaqtarǵa qyzmet kórsetýdi ýaqytsha keıinge qaldyrdy.
