Er adamnyń kıimi órtenip, denesiniń 80 paıyzyn kúıik shaldy
KÓKShETAÝ. QazAqparat - Aqmola oblysynda 58 jastaǵy er adam denesiniń 80 paıyzyn kúıik shalyp aýrýhanaǵa tústi, dep habarlaıdy QazAqparat tilshisi.
Aqmola oblystyq densaýlyq saqtaý basqarmasynyń málimetinshe, jedel járdem qyzmetiniń brıgadasy oblystyq kópbeıindi aýrýhananyń jansaqtaý jáne ıntensıvti terapııa bólimine 58 jastaǵy er adamdy jetkizdi.
«Er adam denesiniń 80 paıyzyn kúıik shalǵan. Ol qazir jansaqtaý jáne ıntensıvti terapııa bóliminde em alýda. Er adamdy Nur-Sultan qalasyndaǵy kúıik ortalyǵynyń jetekshi kombýstıologi P.Kýtnıakov qarap, keńes berdi. Oǵan barlyq kómek kórsetilýde. Odan ári emdeý joldary aıtylýda», - deıdi Aqmola oblystyq kópbeıindi aýrýhana bas dárigeriniń orynbasary Dmıtrıı Chaıkov.
Aqmola oblystyq eńbek ınspektsııasy basqarmasy eńbekti qorǵaý jáne baqylaý bóliminiń basshysy Jylqaıdar Beısembaevtyń aıtýynsha, er adamnyń ústindegi kıimi órtenip, denesin kúıik shalǵan.
«Komıssııa oqıǵanyń mán-jaıyn tekserip jatyr. Ol aýysymdyq jumysta isteıdi», - dep túsindirdi ol.
