Er adammen Ǵalamtor arqyly tanysý saldary jas qyz úshin tym aýyr boldy - Astana ІІD
ASTANA. 12 qańtar. QazAqparat - Er adammen Ǵalamtor arqyly tanysý saldary jas qyz úshin tym aýyr boldy, dep habarlaıdy Astana qalasy ІІD-niń baspasóz qyzmeti.
Elordanyń ishki ister departamentine zorlaý týraly aryzben jas qyz keldi. Áleýmettik jelide jas jigitpen tanysyp, bir-birimen hat almasyp otyrǵan, keıin áńgimelesýshi tarapynan qyzǵa kezdesý týraly usynys jasaldy.
Basyna qaýip tónetinin sezbegen qyz kezdesýge bardy. Onda birden kózge túskeni: hat joldaǵan jas adam bolyp shyqpady. Ol óziniń saýalnamasyna jazǵan jasynan 15 jasqa úlken boldy. Sálemdesýden buryn er adam qyzǵa tıise bastady. Qyz tarapynan qarsylyqqa tap bolǵan ol kóliktegi esikterdi jaýyp, ony zorlaǵan.
Qazirgi kezde Astana qalasy ІІD-niń tergeý boıynsha basqarmasynyń qyzmetkerleri zorlyq jasaǵan adamdy qolǵa túsirdi. Oǵan qatysty QR QK-niń 120 baby boıynsha qylmystyq is qozǵaldy. Tergeý júrgizilýde.
