Er adamdy soqqyǵa jyǵyp, 200 myń dollaryn jymqyryp ketken
ASTANA. QazAqparat - Máskeý ortalyǵynda qaraqshylar Mercedes júrgizýshisin uryp-soǵyp, onyń qomaqty aqshasyn jymqyryp ketken.
Bul týraly Máskeýdegi ІІM MB baspasóz qyzmetinen habarlady.
"JPQ qyzmetkeriniń kıimin kıgen belgisiz bireý Volochaevskıı kóshesindegi 6-úıdiń mańynda sheteldik markaly kólikti toqtatyp, odan júksalǵyshyn ashýdy suraǵan. Tap sol ýaqytta kólikke úsh er adam jetip kelip, júrgizýshini tepkiniń astyna alyp, qomaqty aqsha salynǵan sómkeni urlap ketken", - dedi polıtsııa.
Qaraqshylar ózderin tosyp turǵan kólikke minip boı tasalaǵan. Máskeýde olardy izdestirý sharalary júrgizilýde.
Óz kezeginde, qalanyń quqyq qorǵaý organdaryndaǵy derekkóz jábirlenýshiniń 200 myń dollary qoldy bolǵandyǵyn málim etti.
