Er adamdy kastratsııalaǵan áıel 10 jylǵa bas bostandyǵynan aıyrylýy múmkin
ASTANA. QazAqparat - Elordada er adamdy kastratsııalaǵan áıel 5-ten 10 jylǵa deıin bas bostandyǵynan aıyrylýy múmkin. Bul týraly búgin baspasóz máslıhaty barysynda Esil aýdandyq №2 soty tóraǵasynyń mindetin atqarýshy Qanat Tobaǵalıuly aıtty, dep habarlaıdy QazAqparat.
«Sýdıa kepil túrindegi bultartpaý sharasyn qoldandy. Kepil tólendi jáne soǵan sáıkes ony ustaǵannan keıin qaıtadan bosatty. Іs 106-baptyń (QR Qylmystyq kodeksi) 2 bóliginiń 3 jáne 4 tarmaqtary boıynsha júrgizilýde», - deıdi ol.
QR Qylmystyq kodeksiniń 106-babyna sáıkes, dármensiz kúıde ekeni kórineý belgili adamǵa qatysty, sol sııaqty adamdy urlaýmen ne kepilge alýmen ushtasqan, asa qatygezdikpen jasalǵan is-áreket úshin bes jyldan on jylǵa deıingi merzimge bas bostandyǵynan aıyrý jazasy taǵaıyndalady.
Esterińizge sal ketsek, qańtar aıynda 36 jastaǵy kelinshek súıiktisin jynystyq múshesinen aıyrǵysy kelgen bolatyn. Keıinirek qansyraǵan jigitti óz kóligimen aýrýhanaǵa alyp barýǵa májbúr bolǵan.
Sonymen qatar, áleýmettik jeliler men messendjerlerde Astana qalasy Esil aýdandyq №2 sotynyń 2018 jylǵy 24 qańtardaǵy qaýlysy retinde sıpattalǵan qujattyń fotosy taraldy.
Keshe atalǵan oqıǵa boıynsha sot talqylaýy qaıta jalǵasty. Atalǵan oqıǵaǵa qatysty kúdikti retinde aıyptalýshy áıel sot otyrysyna týystarymen jáne advokatymen birge keldi.
