Er adamdardyń densaýlyǵyn baqylaýǵa arnalǵan «Áke» mobıldi qosymshasy tanystyryldy
ASTANA. KAZINFORM — «AI-Sana» kórmesinde densaýlyqty baqylaýǵa arnalǵan AI-joba tanystyryldy. Bul týraly Ǵylym jáne joǵary bilim mınıstrligi habarlady.
S.D.Asfendııarov atyndaǵy Qazaq ulttyq medıtsına ýnıversıtetiniń túlegi Aıym Amangeldi er adamdardyń reprodýktıvti densaýlyǵyn baqylaýǵa arnalǵan «Áke» mobıldi qosymshasyn tanystyrdy.
Joba er adamdardyń reprodýktıvti densaýlyǵyna qatysty aqparattyń qoljetimdiligin arttyrýǵa jáne óz densaýlyǵyn júıeli túrde baqylaýyna múmkindik berýge baǵyttalǵan.
Qosymsha paıdalanýshynyń bastapqy densaýlyq jaǵdaıyn baǵalaýǵa arnalǵan saýalnamany, medıtsınalyq hattamalar men ádebıetter negizinde suraqtarǵa jaýap beretin jasandy ıntellekt chat-botyn qamtıdy. Sonymen qatar paıdalanýshylar kúndelikti densaýlyq kórsetkishterin tirkep, aǵzadaǵy ózgeristerdi baqylap, jeti jáne otyz kúndik kezeńder boıynsha analıtıkalyq málimetter ala alady.
Jobanyń negizgi maqsaty – er adamdardyń dárigerge qaralýyna kedergi keltiretin faktorlardy azaıtý, reprodýktıvti densaýlyq týraly habardarlyǵyn arttyrý jáne densaýlyǵyna jaýapkershilikpen qaraýǵa yntalandyrý.
Qazaqstandyqtar 2,3 mln taýardy mobıldi qosymsha arqyly teksergenin jazǵan edik.
