Er adam Jetisý oblysyndaǵy janyp jatqan úıden úsh balany qutqardy

TALDYQORǴAN. QazAqparat – Panfılov aýdanyndaǵy Úlken aýylynda jer úı órtenip ketti. Úıdiń janyp jatqanyn kórgen er adam órt sóndirýshiler kelgenge deıin ishinen úsh balany syrtqa alyp shyqqan, dep habarlaıdy QazAqparat tilshisi.

Oblystyń tótenshe jaǵdaılar departamentiniń málimetinshe, órt 7 jeltoqsan kúni saǵat 21:40-ta bolǵan. Órt 22:22-de sóndirilgen. Tilsiz jaý 50 sharshy metr aýmaqty sharpyǵan.

«Úıdiń órtenip jatqanyn kórgen er adam órt sóndirýshilerge habar berip, olar kelgenge deıin janyp jatqan úıdiń balalar bólmesinen 2010, 2014 jáne 2018 jyly týǵan úsh balany shyǵarǵan. Sondaı-aq úıde uıyqtap jatqan balalardyń ata-anasyn da úıden shyǵarýǵa kómektesken. Eki gaz ballonyn syrtqa alyp shyǵyp, óz betimen órtti sóndirýge kirisken», - dep habarlady vedomstvonyń baspasóz qyzmeti.

Balalar men olardyń ata-anasyn órtten aman-esen alyp shyqqan qaharman Jarkent qalasy PCh-11 órt sóndirýshisi azamattyq qorǵaý kishi serjanty Erkebulan Aıtbaev Turǵanuly bolyp shyqty. Ol jumysynan bos ýaqytynda úıinde bolǵan. Órttiń aldyn ala sebebi - qatty otynmen jumys isteıtin peshti paıdalaný kezinde órt qaýipsizdigi erejelerin saqtamaý.

Vıdeodan alynǵan kadr