Er adam ulymen birge 14 qabatty úıdiń tóbesinen sekirip ketti
ASTANA. 16 naýryz. QazAqparat - Nogınsk qalasynda er adam 7 jasar ulymen birge 14 qabatty úıdiń tóbesinen sekirip ketti. Ekeýi de oqıǵa orynda kóz jumdy.
Bul keleńsiz jaǵdaı beısenbi kúni shamamen saǵat 19.00-de Internatsıonalıst kóshesinde ornalasqan 14 qabatty úıde oryn alǵan. 33 jastaǵy úıdiń otaǵasy
Valentın Sıvokon áıelimen janjaldasyp qalǵannan keıin, kınoǵa baramyz dep ulyn ózimen birge alyp ketken. Alaıda kınoǵa barýdyń ornyna ol úıdiń tóbesine shyǵyp, balany qolyna alyp, tómenge sekirgen, dep habarlaıdy Lifenews.ru .
Tergeýshilerdiń pikirinshe, qaıǵyly oqıǵa erli-zaıyptylardyń arasyndaǵy daý-damaıdyń saldarynan bolyp otyr.
