Er adam mıyna ota jasaǵan kezde gıtaramen án saldy
ASTANA. QazAqparat - Brazılııanyń 33 jastaǵy turǵyny Entonı Kýlkamp Dıas mıynan isikti alyp tastaý úshin jasalyp jatqan operatsııa kezinde gıtaramen án saldy.
Bul týraly Rosbalt habarlady. 33 jastaǵy bank qyzmetkeri ota jasaý kezinde mamandar onyń sezim men sóıleý, qozǵalys qabiletterine jaýap beretin bólikterine zaqym keltirmeý úshin oıaý bolý tıis eken.
Er adam ota kezinde Beatles tobynyń hıt ánin Yesterday-di oryndaıdy. Sondaı-aq ózi shyǵarǵan ánderdiń de birnesheýin aıtyp shyqqan. Tipti ota kezinde dárigerlermen de áńgimelesken. Dárigerlerdiń aıtýynsha, patsıenttiń belsendiligi ota jasaý protsesin baqylaýǵa ońaı qyldy. Olardyń aıtýynsha, ota sátti aıaqtaldy.
