Er adam Qytaıdan zańsyz 600 keli fýtbolka alyp ótpek bolǵan
ASTANA. QazAqparat - «Qorǵas» ótkizý pýnktiniń qazaqstandyq shekarashylary táýlik ishinde fýtbolka jáne uıaly telefon - júgimen eki qazaqstandyqty ustady.
QR UQK ShQ baspasóz qyzmetiniń aqparatyna sáıkes Qazaqstannyń 24 jastaǵy azamaty alty tsentner fýtbolka alyp ótpek bolǵan. Ol Halyqaralyq shekara yntymaqtastyǵy ortalyǵynan Qazaqstanǵa bet alǵan.
Osy kúni 27 jastaǵy qazaqstandyq «Samsung» markaly 15 uıaly telefondy shekaradan zańsyz ótkizbekke árekettengen. Ol da Halyqaralyq shekara yntymaqtastyǵy ortalyǵynan Qazaqstanǵa ótpek bolǵan. Gadjetter júksalǵyshtan tabyldy.
Barlyq fakti boıynsha birlese is-qımyl jasaıtyn organdar qyzmetkerleri habardar etildi.
