Er adam kóligimen birge órtenip ketti - Astana
ASTANA. 6 qańtar. QazAqparat - Astanada keshe «SZTs Astana-Agro» JShS kókónis qoımasynyń aýmaǵynda «Volvo» júk kóligi otqa orandy.
Tilsiz jaý 25 mınýttan keıin aýyzdyqtaldy. Otty sóndirýge QR TJM Astana qalasynyń TJD órt sóndirý qyzmetiniń 14 tehnıkasy men jeke quramynyń 55 adamy jumyldyryldy. Avtokólik salonynan týǵan jyly belgisiz er adamnyń denesi tabyldy.
Odan basqa jeksenbi kúni tańerteń Aqtóbe qalasynda turǵyn úıde 60 sharshy metr aýmaqta órt shyqty, dep habarlady QR TJM.
Órt bir saǵattan keıin sóndirildi. Ony aýyzdyqtaýǵa QR TJM Aqtóbe oblysynyń TJD «MAO» MM 1 tehnıkasy men 3 adamy; órt sóndirý qyzmetiniń 3 tehnıkasy men jeke quramynyń 15 adamy jumyldyryldy. Oqıǵa ornynan 51 jastaǵy er adamnyń máıiti tabyldy.
