Er adam qazaq-qyrǵyz shekarasynan 7 kg astam geroın alyp ótpek bolǵan
ASTANA. QazAqparat - Qazaq-qyrǵyz shekarasynda iri mólsherde geroın tasymaldaǵan er adam ustaldy. Bul týraly QR UQK ShQ baspasóz qyzmeti habarlady.
«Kóknár-2016» operatsııasynyń sheńberinde «Jasyl tóbe» shekara beketiniń jasaǵy ishki ister organdarymen birlese otyryp búgin Qyrǵyz elinen Qazaqstanǵa bet alǵan er adamdy ustady. Sómkesin tekserý kezinde ózindik ıisi bar sur tústi zat salynǵan 5 brıket tabyldy. Boljam boıynsha geroın. Jalpy salmaǵy 7 kg. Ustaý faktisi boıynsha quqyq qorǵaý organdary men ózara baılanystaǵy organdar habardar etilgen.
