Er adam eki ýchaskelik polıtseıdi atyp óltirip, artynan ózine qol jumsady
ASTANA. QazAqparat - Reseıdiń Pskov oblysyndaǵy eldi mekennen qaza tapqan eki er adamnyń denesi tabyldy. Qaza tapqandardyń ekeýi de - polıtseıler.
Eki ýchaskelik polıtseı otbasylyq janjaldy sheshýge shaqyrýmen kelgen. Aldyn ala boljam boıynsha, polıtseılerdi áıelimen urysqan er adam atýy múmkin.
Artynsha Nevelskıı aýdanynyń turǵyny óz-ózine qol salǵan, dep habarlaıdy "Interfaks". Oqıǵa ornynda tergeý-jedel toby jumys istep jatyr.
