Er adam eki qabatty úıin iPhone 6-ǵa aýystyrǵysy keledi
ASTANA. QazAqparat - Amerıkanyń Detroıt qalasynda rıeltorlyq agenttiktiń saıtyna er adam eki qabatty úıin satatynyn nemese ony iPhone 6-ǵa aıyrbastaıtynyn aıtyp, habarlandyrý qaldyrǵan. Fox-2 telearnasy habarlaǵandaı, kirpish úı satylymǵa 5 myń dollarǵa maýsym aıynda qoıylǵan. Alaıda óziniń oıyndaǵydaı bolmaǵasyn, satýshy jyljymaıtyn múligin jańa iPhone 6-ǵa nemese jady 32 gıgabaıt bolatyn iPad planshetine aýystyrýǵa daıyn ekenin málimdedi.
Al jyljymaıtyn múlik boıynsha agent Larrı Elsı bunyń jalǵan habarlama ekenin aıtýda.
Aıta keteıik, Detroıt osydan 40 jyl buryn, Amerıka avtoónerkásibiniń jaǵdaıy nasharlaǵanda quldyraı bastady. Qazir qalada shashamen 700 myńǵa jýyq adam turady. On jyl buryn megapolıstiń halqy 1,8 mıllıon adamdy quraǵan. Detroıt turǵyndarynyń azaıýyna baılanysty qalalyq qazynaǵa túsetin salyq túsimi de azaıdy, ınfraqurylym buzylyp, qylmys deńgeıi ósti.
«Motorlar qalasy» burynnan AQSh-tyń krımınaldy astanasy bolyp sanalady - ondaǵy qylmys deńgeıi eldegi ortasha kórsetkishten bes ese joǵary.
2013 jyldyń 3 jeltoqsanynda AQSh-tyń avtokólik astanasy bankrot dep tanyldy. Sýdıa qala óz qaryzdaryn tóleı almaıdy degen sheshim shyǵardy. Osylaısha, Detroıt AQSh tarıhyndaǵy bankrot bolǵan iri qalaǵa aınaldy. «Motorlar qalasynyń» qaryzy 18 mıllıard dollardy quraıdy.
