Er adam bolyp kıingen astanalyq qyz býkmeker keńsesin tonady
ASTANA. QazAqparat - Astana polıtsııasy býkmekerlik keńseni tonaýy múmkin kúdiktilerdi ustady, dep habarlaıdy QazAqparat qalalyq Іshki ister departamentine silteme jasap.
Buǵan deıin qalalyq departamentke belgisiz bireýlerdiń Bógenbaı batyr dańǵylyndaǵy býkmekerlik keńseniń kiltin buzyp, kassadan 1 mln 340 000 teńgeni tonaǵany týraly habar kelip túsken.
Jedel-izdestirý sharalaryn júrgizip, beınebaqylaý jazbalaryn taldap, qyzmetkerlerden jaýap alý arqyly polıtsııa keńseniń 23 jastaǵy burynǵy qyzmetkerin anyqtaǵan. Nebary eki apta jumys istegen qyz keńse esikteri men seıf kiltteriniń kóshirmesin jasatyp úlgergen.
5 tamyz kúni tańǵy saǵat 5-te kúdikti óz qurbysymen «Olımp» býkmekerlik keńsesine kelgen. Beınebaqylaýda tanylyp qalmaý úshin ol medıtsınalyq maska kıgen jáne er adamǵa barynsha uqsaý úshin shashyn kapıýshonǵa jasyrǵan. Aldyn-ala daıyndalǵan kilttermen keńse esigin ashyp, dabyldy óshirgen. Aqshalaı qarajatty alǵan soń kúdikti dabyldy qaıta qosyp, esikti jaýyp ketken.
Atalǵan fakt boıynsha QR Qylmystyq kodeksiniń 188-baby, 3-bóliginde («Urlyq») kórsetilgen qylmystyq quqyqbuzýshylyq boıynsha tergeý jumystary júrip jatyr.
