Er adam áıelin bes balasymen birge tirideı órtep jiberdi
ASTANA. QazAqparat - Er adam úıine qasaqana órt qoıyp, onda áıeli óziniń bes balasymen birge tirideı janyp ketti, dep jazady Japonııanyń Jiji gazeti.
Qaıǵyly oqıǵa Tokıodan 100 shaqyrym qashyqtyqta soltústikte ornalasqan Hıtatı qalasynda bolǵan. Gazet bergen aqparattarǵa súıensek, mert bolǵan balalar úsh jastan on bir jasqa deıin bolǵan. «Jedel járdem» balalardyń birin aýrýhanaǵa jetkizgen, biraq ókinishke qaraı, onyń ómirin saqtap qalý múmkin bolmady.
Polıtsııanyń málimdeýinshe, 30 jastaǵy er adam úıge qasaqana órt qoıǵanyn aıtqan. Alaıda onyń sebebi ázirge belgisiz kúıinde qalyp otyr.
