Er adam 8-shi qabattan qulaǵan qyzdy qaǵyp aldy

Bala bas súıek jaraqaty jáne ıyq synyǵymen aýrýhanaǵa jetkizildi, dep RIA Novostı agenttigine Reseı Federatsııasy Sverdlov oblysy boıynsha ІІM MM baspasóz qyzmetiniń basshysy Valerıı Gorelyh habarlady.

Oqıǵa 4 tamyzda keshke oryn aldy. Jergilikti turǵyn balabaqshadan qyzyn alyp ketip, úıine ákeldi. Oǵan tamaǵyn berip, uıaly telefon ustatyp, barlyq esikter men terezelerdi jaýyp jumysyna ketken.

Polıtsııada atap ótkendeı, qyz anasyna barmaq bolǵan.  Úıden shyǵý úshin ol terezege minip, qulaǵan. Osy sátte aýlada ıtimen serýendep júrgen er adam qyzdy kórip qalǵan.  

«Aldyn ala boljam boıynsha, qyzdyń oń jaqtaǵy ıyq súıegi (jabyq) synǵan, bas súıek jaraqatyn aldy. Ony aýrýhanaǵa jetkizdi», - dedi Gorelyh.

Polıtsııada habarlaǵandaı, kishkentaı qyzdy qaǵyp alǵan 40 jastaǵy  er adamnyń qoly synǵan.