Er adam 7 jastaǵy inisimen birge Jaıyq ózenine batyp ketti
BQO TJ departamentiniń baspasóz qyzmetinen málim etkenindeı, qaıǵyly oqıǵa 2 tamyz kúni Terekti aýdany Aqjaıyq aýylynda boldy.
«Saǵat 16.30-da jabdyqtalmaǵan jáne tyıym salynǵan jerden túsip, shomylǵan 35 jastaǵy er adam men 7 jastaǵy jasóspirim Jaıyq ózenine batyp ketken. Jedel qutqarý jasaǵy kelgenge deıin er adamnyń denesin jergilikti turǵyndar alyp shyqty. Qutqarýshylar (8 adam, 2 tehnıka, 2 júzý quraly) jasóspirimniń denesin izdestirip jatyr. Marqumdar bir-birine týys, 1987 jylǵy er adam aǵasynyń balasyn qutqaramyn dep sýǵa ketken. Osymen óńirde 15 adam sýǵa ketse, sonyń altaýy – balalar», dep habarlady vedomstvodan.
BQO TJ departamenti sýda qaýipsizdik erejelerin qatań saqtaý kerektigin turǵyndar esine salady.
Eske sala keteıik, budan buryn BQO-da 7 saǵattan keıin esin jıǵan jas jigittiń sýdan qutqarylǵanyn jazǵan bolatynbyz.