Er adam 1,5 aıdan beri tabylmaı jatyr – Almaty oblysy
TALDYQORǴAN. QazAqparat - Almaty oblysynda 1,5 aıdan beri iz-tússiz ketken 49 jastaǵy er adam áli tabylmaı jatyr, dep habarlaıdy QazAqparat tilshisi.
Talǵar aýdandyq polıtsııa basqarmasy 1971 jyly týǵan Hamıt Anasuly Mıngazovqa izdeý jarııalaǵan. Ol bıyl 25 maýsymda Talǵar aýdanynyń Besaǵash kentinde ornalasqan «Petrol Azııa» janarmaı beketinen belgisiz baǵytqa ketip, osy ýaqytqa deıin qaıtyp oralmaǵan.
Hamıt Anasulynyń boıy 175-180 sm., ortasha deneli, kózderi kók, shashy qara buıra, murtty.
Ústinde qara tústi djınsy, túsi aqshyl jeıde, qara aıaq kıim, altyn tústi jazýy bar qara qalpaq kıgen.
Polıtsııa izdeý jarııalaǵan tulǵanyń mekenjaıy nemese ol týraly qandaı da aqparat biletin adamdar 8 ( 7282 ) 600-232, 600-233 telefondaryna nemese Talǵar APB-ne 8 (727) 295-61-05, 95-63-96 telefondary boıynsha habarlasýyn suraıdy.
