Epshteın isi: AQSh Ádilet mınıstrliginiń saıtynan keminde 13 foto joıylyp ketti

ASTANA. KAZINFORM — Jeksenbi kúni AQSh-tyń bas prokýrorynyń orynbasary Epshteın arhıvterindegi materıaldar, onyń ishinde Donald Tramptyń fotosýreti qurbandardyń qaýipi eskerilip, Ádilet mınıstrliginiń veb-saıtynan joıylǵanyn málimdedi. Bul týraly VVS jazdy.

Todd Blansh fotosýrettiń joıylýy AQSh prezıdentimen baılanysty degen syn pikirdi joqqa shyǵaryp, fotoda Tramppen birge áıelderdiń óńdelmegen beıneleri de bolǵanyn aıtty.

Jeksenbiniń keshine deıin, juma kúni jarııalanǵan myńdaǵan faıldardyń ishinen, áıgili seksýaldyq qylmysker Djeffrı Epshteınge qatysty keminde 13 faıl eshqandaı túsiniktemesiz veb-saıttan joǵalyp ketken.

Ókilder palatasynyń Qadaǵalaý komıtetindegi Demokratııalyq partııa músheleri sýretterdiń joıylýyn synǵa alyp, áleýmettik jelidegi habarlamasynda bas prokýror Pem Bondıge: «Taǵy ne jasyrylyp otyr?» dep suraq qoıdy.

AQSh Ádilet mınıstrligi (DOJ) jeksenbi kúni X platformasynda jarııalaǵan habarlamasynda Tramptyń sýreti Nıý-Iork Ońtústik okrýginiń sotymen «qurbandardy qorǵaýǵa baǵyttalǵan yqtımal qosymsha áreketter qajet» dep belgilengenin habarlady.

Habarlamada fotosýret aldyn ala zertteý maqsatynda ýaqytsha joıylǵany da aıtyldy.

«Tekserý nátıjesinde fotosýrette Epshteın qurbandarynyń beınesi joq ekeni anyqtalyp, ol eshqandaı ózgerissiz nemese óńdelmeı qaıta jarııalandy» — dedi Ádilet mınıstrliginiń ókili.

Aıta keteıik, AQSh Ádilet mınıstrligi Djeffrı Epshteın isine qatysty qujattardy jarııalaı bastaǵanyn habarlaǵanbyz.

Buǵan deıin Buǵan deıin Ókilder palatasy baqylaý komıtetiniń demokrattary Djeffrı Epshteınniń úıinen alynǵan 68 sýretti jarııalaǵanyn jazdyq.