Epıdemııalyq maýsym bastalmaı jatyp Astanada tumaýdyń 3411 oqıǵasy tirkeldi
ASTANA. 12 qazan. QazAqparat - Aýa raıynyń jyly bolǵanyna qaramastan, jyldyń kúzgi ýaqyty adamdardyń densaýlyǵyna kóptegen jaısyzdyqtar alyp keledi.
Máselen, búgingi kúni Astanada ótkir respıratorlyq vırýstyq ınfektsııasyn juqtyrýdyń 3 411 oqıǵasy tirkeldi. Degenmen, Astana qalalyq Sanepıdqadaǵalaý departamentiniń málimetinshe, bul ótken jyldyń sáıkes kezeńimen salystyrǵanda 1,1 esege (3 616) az.
Astana qalasy ákimdiginiń resmı saıtynda habarlanǵandaı, búginde elordada tumaýǵa qarsy 9 040 adam, sonyń ishinde 2 811 bala egildi.
