Epıdemıologter koronavırýs shtamdary áli de qaýipti ekenin eskertti
Almaty qalasynyń №7 qalalyq klınıkalyq aýrýhana emhanasynyń epıdemıologi Gúldarhan Ájimuratovanyń aıtýynsha, koronovırýstan saqtanýdyń jalǵyz joly vaktsınatsııa men revaktsınatsııa bolyp tabylady.
«Qazir elimizde jalpy epıdemıologııalyq ahýal turaqty. Qazirgi ýaqytta halyqtyń ujymdyq ımmýnıteti qalyptasqan. Statıstıkaǵa sáıkes, shamamen 10.5 mıllıon adam vaktsınatsııalandy, sonymen qatar 3,5 mıllıon adam revaktsınatsııadan ótti. Degenmen koronavırýsty juqtyrý yqtımaldyǵy árqashan bolady. Biz koronavırýstyń eshqaıda joǵalmaǵanyn túsinýimiz kerek, ol bizdiń aramyzda ómir súre beredi, biraq aldyn-alý sharalaryn únemi ustanýymyz kerek. Barlyq karantındik talaptar alynǵanyna qaramastan, halyq kóp jınalatyn jerlerde betperde kıgen durys. Vaktsınatsııa men revaktsınatsııadan bas tartý epıdahýalǵa keri áser etýi múmkin», - dedi dáriger.
Onyń aıtýynsha, karantındik sharalar men shekteýlerdi alyp tastaý koronavırýstyń múlde joıyldy degendi bildirmeıdi. Jańa mýtatsııalar nemese shtamdar búkil álem úshin áli de qaýipti.
Aıta keteıik, búgingi tańda qala turǵyndary úshin «Pfizer» (Komırnatı, AQSh), «Vera Cell» (Sinofarm, Qytaı), «QazVac» (QazCovid-in Qazaqstan) vaktsınalary qoljetimdi. Mysaly, 7 QKA emhanasynda koronavırýstyq ınfektsııaǵa qarsy vaktsınatsııa saǵat 08:00-18:00 aralyǵynda júrgiziledi. Bul rette árbir azamat emhanaǵa bekitilýine qaramastan vaktsına ala alady. Tek bul rette ózińizben birge jeke kýáligińiz bolýy qajet.
