Epıdemıologtar elorda turǵyndaryna úndeý jasady

NUR-SULTAN. QazAqparat - Mamyr aıyndaǵy merekeler jaqyndap keledi. Qala turǵyndary bul kúnderi top bolyp taza aýada saýyq qurǵandy unatady. Osyǵan baılanysty elordanyń sanıtarlyq-epıdemıologııalyq baqylaý departamenti qala turǵyndaryna qaýipti vırýstyń densaýlyqqa qaýip tóndiretinin kezekti ret eskertti, dep habarlaıdy Nur-Sultan ákimdiginiń resmı saıty.

Nur-Sultan epıdemıologııalyq ahýaldy baǵalaý boıynsha «qyzyl» aımaqta turǵanyna bir jarym aı boldy. Kún saıyn qalada KVI aýrýynyń 600-ge jýyq jańa jaǵdaıy tirkeledi.

Osyǵan baılanysty Nur-Sultan qalasynyń sanıtarııalyq-epıdemıologııalyq baqylaý departamenti elordanyń barlyq azamattaryn mereke kúnderi túsinistikpen qarap, karantın rejımin qatań saqtaýdy suraıdy. Qaýipti vırýs báriniń densaýlyǵyna qaýip tóndiredi. Qonaqqa, kórshilerge, iri otyrystarǵa barmaýǵa, artyq jáne mańyzdy emes saparlarǵa shyqpaýǵa usynamyz.

«Negizgi qaýip tobynda áli de sozylmaly aýrýlary bar adamdar men aǵa býyn ókilderi tur. Sondaı-aq, balalar da juqtyrýy múmkin. Pandemııa kezinde áleýmettik qashyqtyqty saqtaý óte mańyzdy ekenin umytpańyz. Biz ózimizdi oqshaýlaǵanda jáne vaktsınatsııa qabyldaǵan kezde ǵana indetti jeńemiz. Sondyqtan biz barlyq usynystardy oryndaýǵa jáne pandemııamen kúreste jaýapkershilik pen birlikti kórsetýge shaqyramyz», - delingen habarlamada.