Epıdemıologtar almatylyqtarǵa úndeý jasady
ALMATY. QazAqparat - Aýa raıynyń kúrt sýytýy koronavırýstyq ınfektsııany juqtyrý qaýpin arttyrady. Sondyqtan sanepıdemıologtar almatylyqtardan adamdar kóp jınalatyn oryndarǵa qajetsiz barýdan bas tarýǵa keńes berdi, dep habarlaıdy QazAqparat tilshisi.
Qalalyq sanıtarlyq-epıdemıologııalyq baqylaý departamentiniń málimetteri boıynsha, búginge deıin qalada koronavırýstyq ınfektsııanyń ótken jyldyń osy kezeńimen salystyrǵanda jedel respıratorlyq vırýstyq ınfektsııalar sanynyń 2,2 esege ósýi baıqalady.
Aýa raıynyń salqyndaýymen baılanysty qoǵamda epıdemıologııalyq protsester kúsheıe tústi. Bul kezde KVI ınfektsııasy adamdar kóp shoǵyrlanǵan jerlerde paıda bolady. Osyǵan baılanysty Almaty qalasynyń sanıtarlyq-epıdemıologııalyq qyzmeti qala turǵyndaryna profılaktıkalyq sharalardy saqtaýdy qatań túrde usynady. Adamdar kóp bolatyn jerlerden, ásirese 65 jastan asqan azamattar aýlaq bolǵany jón.
«Eger sizde JRVI belgileri bolsa, úıden shyqpańyz, dárigerdi úıge shaqyryńyz. Ózińizdi ózińiz emdemeńiz, balalardy jáne egde jastaǵy otbasy múshelerin jeke bólmede oqshaýlaý arqyly qorǵańyz»,- dedi ákimdikten.
Almatydaǵy «Qazgıdromet» RMK fılıalynyń meteorologııalyq boljamdar bóliminiń habarlaýynsha, 14-20 qarasha aralyǵynda aýa temperatýrasy túnde - 10-15 °S, kúndiz - 3-8 °S deıin tómendeıdi.
