Epıdemıologııalyq jaǵdaıǵa qaramastan saılaýǵa qatysqandar kóp boldy - reseılik sarapshy
«Baıqaýshylardy saılaý naýqany daǵdarys kezeńimen sáıkes kelip qalǵany týraly másele alańdatty. Birinshiden, qazirgi ýaqytta álemde ekonomıkalyq daǵdaryspen tyǵyz baılanysy bar koronavırýs daǵdarysy oryn alýda. Bul psıhologııalyq turǵyda aýyr jaǵdaı. Ekinshiden, postkeńestik elderde, sonyń ishinde Qazaqstanda qyzyq qubylys bolyp jatyr, ol – urpaqtyń almasýy. Urpaq almasýynyń bir bóligi – Qazaqstanda bolyp jatqan jáne jalǵasyn taýyp jatqan saıası tranzıt», - deıdi Reseı Federatsııasy Syrtqy ister mınıstrliginiń Máskeý memlekettik halyqaralyq qatynastar ınstıtýty janyndaǵy Saraptamalyq ortalyqtyń bas ǵylymı qyzmetkeri Andreı Kazantsev.
«Syrtqy baıqaýshy turǵysynan alyp qaraǵanda saılaýdy turaqtylyqty saqtaı otyryp ótkizý óte mańyzdy sııaqty. Bul saılaýda turaqtylyq saqtaldy», - deıdi Andreı Kazantsev.
Ol Parlamentte jastar men áıelder sany artqany týraly týraly aıtty.
«Partııa deńgeıinde de bolashaqty aıqyndaı túsetin qarqyndy ózgerister bolyp jatyr. Mysal retinde «Nur Otan» partııasy ótkizgen praımerızdi, basqa da partııalardyń rebrendıngi týraly aıtýǵa bolady. Sondaı-aq, epıdemıologııalyq jaǵdaıǵa qaramastan saılaýǵa qatysqandar jáne sheteldik, halyqaralyq baıqaýshylar kóp boldy», - deıdi sarapshy.
Onyń pikirinshe, turaqtylyq pen reformany úılestire bilý syrtqy baıqaýshylar úshin qyzyq boldy. Bul árdaıym Qazaqstannyń ishki jáne syrtqy saıasatyn sıpattap kelgen qubylys jáne bul dástúr áli de jalǵasyn taba beredi.
«Biz Qasym-Jomart Toqaevtyń 15 qańtar kúni bolatyn Halyqqa úndeýin kútemiz. Aldaǵy reformalar qandaı baǵytta bolatyny qyzyq. Ol reforma týraly aıtqan kezde ekonomıkalyq pragmatızmge toqtalyp ótti. ıAǵnı saıasat halyqtyń jaqsyraq ómir súre túsýi úshin qoldanylady», - deıdi Andreı Kazantsev.
