Epıdemıologııalyq jaǵdaı kúrdelene tústi – Alekseı Tsoı

NUR-SULTAN. QazAqparat – Elimizde sáýir aıynyń ishinde epıdemıologııalyq jaǵdaı nasharlap ketti. Bul týraly búgin QR Densaýlyq saqtaý mınıstri Aleseı Tsoı aıtty, dep habarlaıdy QazAqparat tilshisi.

«Osy jyldyń sáýir aıynda epıdemıologııalyq jaǵdaıdyń nasharlap ketkeni baıqalady. Máselen, sáýir aıynyń 11 kúninde naýryz aıynyń dál osyndaı kezeńimen salystyrǵanda koronavırýs ınfektsııasynyń 24 955 jaǵdaıy tirkeldi. Naýqastaný ósimi 3 ese artyp otyr. Táýligine 2 800-ge deıin naýqas tirkeledi. Qostanaı men Túrkistan oblystaryn qospaǵanda Qazaqstannyń barlyq óńirinde aýrý ósimi baıqalady», - dedi mınıstr Úkimet otyrysynda.

Alekseı Tsoıdyń dereginshe, ınfektsııalyq tósek-oryndardyń progressıvti joǵary bos emestigi Almaty oblysynda, Almaty men Nur-Sultan qalalarynda baıqalady.