Epıdemıologııalyq maýsym bastalǵaly Astanada jedel respıratorly vırýsty ınfektsııany 18 605 adam juqtyrdy
ASTANA. 24 qarasha. QazAqparat /Gúlmıra Alıakparova/ - Epıdemıologııalyq maýsym bastalǵaly Astana qalasynda jedel respıratorly vırýsty ınfektsııalardy juqtyrýdyń 18 605 jaǵdaıy tirkeldi.
Bul týraly búgin ótken baspasóz máslıhatynda QR DSM Memlekettik sanıtarlyq-epıdemıologııalyq qadaǵalaý komıteti Astana qalasy boıynsha departamentiniń basshysy Sarqyt Beısenova málim etti.
«Epıdemıologııalyq maýsym bastalǵaly (40 apta) Astana qalasynda jedel respıratorly vırýsty ınfektsııalardy (JRVI) juqtyrýdyń 18 605 jaǵdaıy tirkeldi. Qarqyndy kórsetkish 100 myń adamǵa shaqqanda 2562,9-dy qurady. Bul ótken jylǵy epıdemıologııalyq kezeńinen 1,1 esege tómen. Tumaý jaǵdaılary tirkelgen joq. Sońǵy 47 aptada JRVI-diń 2 479 jaǵdaıy tirkeldi», - dedi ol.
S.Beısenova atap kórsetkendeı JRVI-di juqtyrǵan naýqastardyń basym denin, naqty aıtqanda 75 paıyzyn 14 jasqa deıingi balalar qurap otyr. Sonyń ishinde 0-2 jas aralyǵyndaǵy balalar - 48 paıyz. Naýqastardyń 6 paıyzy aýrýhanaǵa jatqyzyldy.
Astana qalasynda tumaý jaǵdaıyna zerthanalyq qadaǵalaý 2009 jyly engizilgen - barlaýshy epıdemıologııalyq qadaǵalaý júıesinde júrgiziledi. Júıege qalalyq 4 emhana (4,5,7,8) men ınfektsııalyq statsıonarlar kiredi. Zerthanalyq monıtorıng nátıjesinde paragrıptiń 13 jáne adenovırýsty ınfektsııanyń 3 túri belgilendi. Qalada tumaý juqpalarynyń atalmysh túrleri anyqtalǵan joq.
