Epıdemıolog mektepte kezekshi synyptardyń ashylýyna qatysty pikir bildirdi
«Menińshe, 1-4 synypta oqıtyn balalar úshin kezekshi synyp engizý durys sheshim boldy. Tómengi synyp oqýshylary mektepte oqýy kerek. Meniń de osy jastaǵy balalarym bar», - dedi spıker koronavırýstyń ekinshi tolqynyn talqylaýǵa arnalǵan onlaın jıynda.
Epıdemıologtyń aıtýynsha, bastaýysh synyptaǵy mektep oqýshylaryna onlaın rejımde oqý aýyr tıedi.
«Al qalǵan mektep oqýshylaryna qatysty sheshimdi Bilim jáne ǵylym mınıstrligi men Densaýlyq saqtaý mınıstrligi qazir qabyldamaǵanda, barlyq oqýshylar 1-toqsanda offlaın oqyǵanymen, 2-toqsanda erejeni qatańdatýǵa týra keler edi. Jalpy, indet maýsymdyq sıpatqa ıe. Buǵan qosa, ol qoǵam ımmýndalmaǵan kezde aıtarlyqtaı deńgeıde damı beredi. Demek, qalaı desek te barlyq el belgili bir deńgeıde indetti bastan keshiredi. Biz muny jaqsy túsinemiz. Vaktsına jappaı qoldanýǵa 2021 jyldyń ortasyna qaraı ǵana daıyn bolady», - dedi epıdemıolog.