Epıdemıolog: Koronavırýs indetinen tek vaktsına ǵana qorǵaı alady
Onyń sózine sensek, vaktsınanyń paıdasy ǵylymı dáleldengen. Dárigerdiń málimetinshe búginge deıin álem boıynsha 42 memleket koronavırýsqa qarsy vaktsına jasap shyǵardy.
Onyń segizi búginde Búkilálemdik densaýlyq saqtaý uıymynyń sertıfıkatyn alyp, qoldanysqa berildi.
«Vaktsınatsııany jappaı júrgizýdiń nátıjesinde birqatar elde epıdemıologııalyq ahýal turaqtalǵan. Máselen, karantın rejımi toqtatylyp, maskasyz júrýge ruqsat berildi. Koronavırýs indetinen bizdi tek ekpe ǵana qorǵaı alady. Bul ǵylymı dáleldengen», - dedi Maral Qadyr.
Qazir Mańǵystaýda otandyq QazVac, reseılik «Spýtnık V» vaktsınasy jáne arabtyń Hayat-Vax ekpesi jetkilikti mólsherde bar.
Aımaqta vaktsınanyń eki komponentin alǵan adam sany - 21 384. Spıkerdiń aıtýynsha, bul – tómen kórsetkish.
Óıtkeni óńirde 656 adam koronavırýs indetine qarsy em alyp jatyr. Onyń 219-y aýrýhanada bolsa, 437-i úıde oqshaýlanyp emdelýde.
«Naýqastar, sózsiz, kóp adammen baılanysta boldy. Osy oraıda qaýipti indetti taratpaý mańyzdy. Al bul úshin ekpe alyp, ujymdyq ımmýnıtet qalyptastyrý qajet. Qazir qoldanysqa berilip jatqan normatıvtik qujattarǵa saı, vaktsınanyń eki komponentin alǵan adam PTR testisiz, álem boıynsha emin-erkin qozǵala alady», - dedi Maral Qadyr.
Al Mańǵystaý oblysy sanıtarııalyq-epıdemıologııalyq baqylaý departamentiniń basshysy Ǵazız Nadýevtyń aıtýynsha, óńirde sanıtarııalyq-epıdemıologııalyq talaptardyń saqtalýyn qadaǵalaıtyn 50 monıtorıng toby bar.
1 qańtar men 2 maýsym aralyǵynda 1511 reıd júrgizilip, 10 202 nysan tekserildi.
«Reıd barysynda 54 nysanda karantın talaptaryn buzý faktisi anyqtaldy. Nátıjesinde 54 ákimshilik hattama toltyryldy. Onyń 5 - zańdy tulǵa, 24 jeke tulǵa jáne 25 jeke kásipker. Salynǵan aıyppul 11 843 020 teńgeni quraıdy», - dedi Ǵazız Nadýev.
