Epıdahýaldyń nasharlaýy qańtar oqıǵalarymen esh baılanysty emes - Eraly Toǵjanov
«Omıkron shtamynyń paıda bolýy men odan keıingi aýrýdyń kúrt ósýi eldi dúr silkindirgen tártipsizdiktermen baılanysty degen pikir bar. ıAǵnı, bılikke adamdardyń úıde otyrǵany tıimdi, rasymen de solaı ma?», - dep surady jýrnalıst Ortalyq kommýnıkatsııalar qyzmetinde ótken baspasóz máslıhatynda.
«Meniń oıymsha, bul máseleler bir-birimen múldem baılanysty emes. Túrli boljamdar men pikirlerdi emes, naqty faktilerdi qaraý kerek. Búginde barlyq faktiler eldegi koronavırýstyń taralýy kúrt shıelenisip bara jatqanyn kórsetedi. Sonymen qatar, koronavırýstyń kúndelikti ósý qarqyny birinshi kezekte omıkron shtamymen tikeleı baılanysty. Mysaly Nur-Sultan boıynsha júkteme 200 adam bolsa, qysqa merzim ishinde bul kórsetkish myńǵa jetti. Densaýlyq saqtaý júıesine úlken júkteme tústi. ıAǵnı, koronavırýstyń osyndaı ósý qarqyny naqty qaýip bar ekenin kórsetedi», - dedi Eraly Toǵjanov.
Spıker shekteý sıpatyndaǵy barlyq sharalar, birinshi kezekte, azamattardyń ómirin qorǵaýǵa jáne qaýipsizdigin qamtamasyz etýge baǵyttalǵanyn atap ótti.
«Bul máselelerdi aralastyrmaýdy jáne qosymsha tujyrymdar men boljamdarǵa súıenbeýdi suraımyn. Qazirgi isterdiń naqty jaı-kúıine qaraý kerek. Búgin de sizderdiń aldaryńyzda eldegi epıdemıologııalyq jaǵdaıdy esh búkpesiz usynyp otyrǵanymyz beker emes. Eshkim eshteńeni jasyryp otyrǵan joq: ashyq rejımde, ashyq formatta aqparatty jetkizip otyrmyz. 13 myń naýqasqa deıingi mundaı ósý qarqyny bizde 2020, 2021 jyldary bolǵan joq. Eger másele tek koronavırýstyń jeńil formasymen baılanysty bolsa, bul máseleni kótermes te edik. Biraq densaýlyq saqtaý júıesiniń shamadan tys júktelgendikten, naqty sharalar qabyldaýymyz kerek», - dedi Eraly Toǵjanov.